Ժան Մազեջյանը 2016թ. ի վեր հանդիսանում է Ամունդի-Ակբայի գործադիր տնօրենը։ Միաժամանակ, վերահսկում է աշխարհի տարբեր երկրներում Ամունդի Գրուպի կողմից հիմնադրված համատեղ ձեռնարկություններին։ 2010-2016թթ. շարունակել է իր աշխատանքային գործունեությունը Եվրոպայի առաջատար ակտիվների կառավարիչ Ամունդիում, որտեղ ստանձնել է Սոսիետե Ժեներալի, այնուհետև ԷլՍիԷլ բանկի կորպորատիվ և խոշոր հաստատությունների հաճախորդների համար կառավարվող պորտֆելի պատասխանատուի պաշտոնը։
Համալսարանական կրթությունը ստացել է Ֆրանսիայում՝ Սաքլեյի միջուկային գիտության և տեխնոլոգիայի ազգային ինստիտուտում, ինչպես նաև Փարիզի Նանտեր համալսարանում՝ ստանալով մագիստրոսի կոչում:

Ֆրեդերիկ Պասկալը հանդիսանում է Ամունդիում Ակտիվների ռազմավարական տեղաբաշխման և ֆիդուցիար կառավարման բաժնի ղեկավար, և պատվիրակաված ներդրումային լուծումների պատասխանատու։ Ֆրեդերիկը միացել է Ամունդիին որպես ինստիտուցիոնալ պորտֆելների կառավարիչ 2006թ․՝ մինչ այդ
զբաղեցնելով ներդրումային փորձագետի պաշտոն տարբեր Կենսաթոշակային Ֆոնդերում (Fédéris Gestion d'Actifs and Caisse de Prévoyance et de Retraites du Personnel des Organismes de Mutualité) և GAN ապահովագրական ընկերությունում։
Ֆրեդերիկ Պասկալը լիազորված ակտուար է: Նա ունի մագիստրոսի կոչում ֆինանսական և ակտուարական գիտության ոլորտում և ստացել է կիրառական մաթեմատիկայի ոլորտում բակալավրի կոչում Լիոնի Կլոդ Բերնարդի համալսարանում։

Տրիստան Պերիեն զբաղեցնում է մակրոտնտեսագետի և ներդրումային փորձագետի պաշտոն Ամունդի ինստիտուտում՝ մասնավորապես երկարաժամկետ մակրոտնտեսական և ներդրումային թեմաներով: Նա միացել է SGAM-ին (որը հետագայում դարձավ Ամունդի) դեռևս 2004թ-ից` հաջորդաբար աշխատելով պրոդուկտների զարգացման և հետազոտությունների բաժիններում:
Տրիստանը ֆինանսների մագիստրոսի կոչում է ստացել ESSEC բիզնես դպրոցից, ինչպես նաև ունի միջազգային հարաբերությունների գծով մագիստրոսի կոչում Փարիզի 1 Պանթեոն-Սորբոն համալսարանից

Հասմիկ Ղահրամանյանը ներկայումս ՀՀ կենտրոնական բանկի Խորհրդի անդամ է։ Նախկինում հանդիսացել է ՀՀ ԿԲ նախագահի գլխավոր խորհրդական, ինչպես նաև զբաղեցրել է ՀՀ ԿԲ Դրամավարկային և հարկաբյուջետային քաղաքականությունների վերլուծության բաժնի պետի պաշտոնը:
Հասմիկ Ղահրամանյանը տնտեսական գիտությունների թեկնածու է, ԵՊՀ տնտեսագիտության և կառավարման ֆակուլտետի դասախոս:

Կոնստանտին Սարոյանը Եվրո-Ասիական Ֆոնդային Բորսաների Միության գլխավոր քարտուղարն է. նա ղեկավարում է Եվրոպան, Ասիան և Միջերկրական ծովի ավազանն ընդգրկող տարբեր ֆոնդային բորսաների և կենտրոնական դեպոզիտարիաների բազմամշակույթ միջավայրը: Նա Տնօրենների հայկական ինստիտուտի խորհրդի անդամ է: Միաժամանակ հանդիսանում է Հայաստանի Ներդրողների ակումբի համանախագահ և Հայաստանում Գյուղական Տարածքների տնտեսական զարգացման հիմնադրամի (FREDA) խորհրդի անդամ:
Տնտեսագիտության թեկնածու է, դասավանդում է Հայաստանում Ֆրանսիական համալսարանում:

Բորիս Ջանջալիան Հարավային Կովկասում և Կոսովոյում ՄՖԿ-ի կողմից ինտեգրած ԲՍԿ խորհրդատվական ծրագրի աշխատանքների պատասխանատուն է։ 2018թ․-ից նա նաև Եվրոպայում SBFN տարածաշրջանային համակարգողն է։ Բորիս Ջանջալիան ՄՖԿ-ի հետ սկել է աշխատել 2007թ․-ից։ Մինչև այդ՝ 2004-2006թթ․ նա Վրաստանի Ազգային բանկի ֆինանսական դիտարկումների ծառայության իրավաբանական բաժնի ղեկավարն էր: Կարիերայի ընթացքում Բորիսը կառավարել է ՄՖԿ տարբեր ծրագրեր Մոլդովայում և Ուկրաինայում, ինչպես նաև ունի փորձ աշխատելու այնպիսի երկրներում, ինչպիսիք են Աֆղանստանը, Հնդկաստանը, Քենիան և Շրի Լանկան։
Բորիս Ջանջալիան Միջազգային Առևտրային Իրավունքի մագիստրոսի կոչում է ստացել Աբերդինի համալսարանից և բակալավրի աստիճան՝ Թբիլիսիի Պետական Համալսարանից։ Նա նաև ունի ռիսկերի կառավարման միջազգային վկայական, Հյուսիսարևմտյան համալսարանի Քելլոգի կառավարման դպրոցում անցել է հատուկ դասընթաց՝ ընտանեկան ձեռնարկությունների կառավարման գծով:

Արամ Ջիվանյանը կրիպտոգրաֆ և ձեռնարկատեր է, որը կառուցում է բլոկչեյն արձանագրություններ և պրոդուկտներ 2018թ․ ի վեր։ Նրա ծածկագրման ալգորիթմները, որոնք հնարավորություն են տալիս մասնավոր ֆինանսական գործարքներ կատարել բաց մատյաններում, այժմ օգտագործվում են կրիպտոարժույթների տարբեր միջազգային ընկերությունների կողմից, որոնց ընդհանուր շուկայական կապիտալիզացիան կազմում է հարյուր միլիոն դոլար:

Արմեն Նուրբեկյանը 2022թ․դեկտեմբերից զբաղեցնում է ՀՀ կենտրոնական բանկի նախագահի տեղակալի պաշտոնը։ Նախորդող տարիներին հանդիսացել է Կենտրոնական բանկի մակրոտնտեսական դեպարտամենտի տնօրենի պաշտոնը։ 2018-2019թթ. եղել է ՀՀ ԿԲ Դիլիջանի ուսումնահետազոտական կենտրոնի ղեկավար:
Արմեն Նուրբեկյանը ունի ֆիզիկամաթեմատիկական գիտությունների թեկնածուի գիտական աստիճան:

Գարեգին Գևորգյանը ՀՀ կենտրոնական բանկի ֆինանսական համակարգի կայունության և կարգավորման դեպարտամենտի տնօրենն է։
Գարեգին Գևորգյանը թեկնածուական աստիճան է ստացել Երևանի պետական համալսարանից, MBA աստիճան Հոֆստրայի համալսարանից, ինչպես նաև ունի CFA գործող հավաստագիր: Նա Հայաստանի Ամերիկյան Համալսարանի Բիզնես վարչարարության մագիստրոսական ծրագրի դասախոս է։

Հրայր Ասլանյանը 2018թ. ի վեր Ամունդի-Ակբա գործադիր տնօրենի տեղակալն է՝ շարունակելով իրականացնել նաև իր ֆոնդերի կառավարչի գործառույթները: 2015-2018թթ. Հրայր Ասլանյանը զբաղեցրել է ԱԳԲԱ Լիզինգ ՎԿ ՓԲԸ տնօրենների խորհրդի անդամի պաշտոնը։ Մինչ այդ աշխատել է Ակբա Բանկում որպես դիլինգի բաժնի պետ, իսկ ավելի վաղ հանդիսացել է ռազմավարական պլանավորման, վերլուծությունների և ակտիվների ու պասիվների կառավարման բաժնի մասնագետ։
2017թ. առ այսօր Հրայր Ասլանյանը հանդիսանում է նաև Ստեփան Գիշյան բարեգործական հիմնադրամի հոգաբարձուների խորհրդի անդամ:
Ստացել է տնտեսական գիտությունների թեկնածուի գիտական աստիճան։ Ունի նաև CFA որակավորում, հանդիսանում է ինստիտուտի անդամ:

Ալեքսանդր Պլատո Հակոբյանը «Դասավանդի՛ր, Հայաստան» հիմնադրամի Ռազմավարական նախաձեռնությունների գծով խորհրդական է։ Նախկինում եղել է Բրեվիս ընկերության հաղորդակցությունների ղեկավարը, զբաղեցրել է Հայաստանի Հանրային հեռուստաընկերության Հանրային և արտաքին կապերի տնօրենի, այնուհետև՝ գլխավոր պրոդյուսերի պաշտոնը։
Ալեքսանդրն Պլատո Հակոբյանը ծավալում է բազմակողմանի գործունեություն՝ գիտության, մանկավարժության, երաժշտության, երաժշտական մենեջմենթի և գրականության բնագավառներում։ Միաժամանակ զբաղվում է հաղորդավարությամբ և հանդիսավարությամբ՝ փայլուն ներկայանալով ակադեմիական, հեռուստատեսային և ռադիո հարթակներում։
Ալեքսանդր Պլատո Հակոբյանը հաղորդակցությունների ոլորտի փորձագետ է։ Ուսանել է փիլիսոփայություն և հոգեբանություն Երևանի պետական և Պրահայի Կարլի համալսարաններում։